A actuación, que conta cun prazo de execución de seis meses, modernizará por completo este espazo de ocio situado xunto ao CEIP El Graxal e ao pavillón municipal. As obras responden a unha demanda das familias da contorna e buscan mellorar a seguridade e funcionalidade das instalacións.
Os traballos, financiados a través do Plan Provincial de Cooperación a Obras e Servizos de Competencia Municipal (POS+) da Deputación da Coruña, inclúen a instalación dun novo pavimento continuo de caucho amortiguador, a renovación do peche perimetral e da sinalización informativa.
O novo parque contará con columpios, tobogáns, balancíns e un pequeno rocódromo, ademais de novo mobiliario urbano como bancos, papeleiras e unha mesa de picnic. Tamén se mellorarán as zonas verdes coa plantación de árbores, a renovación do céspede e da rede de rega.
“"O inicio destas obras supón un paso máis no compromiso do Goberno municipal co avance dos espazos públicos e das áreas de ocio do municipio. Esta actuación permitirá ofrecer aos veciños un espazo renovado pensado para o uso diario dos nenos e nenas e das súas familias."
