A actuación responde ao deterioro acumulado polo paso do tempo e a humidade, factores que provocaron desniveis, fendas e filtracións nos edificios próximos. Actualmente, certas zonas do espazo permanecen valadas para previr caídas e outros incidentes entre os usuarios.
O expediente de contratación, aprobado pola Xunta de Goberno local, conta cun prazo de execución de sete meses. O financiamento provén do POS+ Adicional 2/2024 da Deputación da Coruña.
O plan de obra inclúe a eliminación de barreiras arquitectónicas, a substitución do pavimento e a modernización das redes de abastecemento e drenaxe. Ademais, renovarase o mobiliario público, o sistema de iluminación e a rede de rega das zonas verdes.
