A entidade, que cumpre dúas décadas de existencia, organizou o evento "20 anos de voces autistas" para reflexionar sobre a evolución da atención ao autismo e os retos futuros en materia de inclusión.
A xornada congregou a persoas autistas, familias, profesionais e representantes institucionais, como a concelleira de Benestar Social da Coruña, Nereida Canosa, o director xeral de Familia da Xunta, Jacobo Rey, e o deputado provincial José Ramón Riobóo Castro.
Durante o encontro, abordouse a mellora na percepción social do autismo e nos procesos de diagnóstico e intervención, que hoxe son máis especializados e individualizados. Tamén se subliñou a importancia da normalización, a formación en diversidade e a sensibilización desde as etapas educativas.
Compartíronse experiencias sobre as dificultades no ámbito educativo e laboral, así como situacións de acoso escolar. Destacouse a necesidade de avanzar cara a entornos educativos máis inclusivos e a formación especializada para o alumnado con TEA.
Tamén se tratou o incremento de diagnósticos en idade adulta e a creación dun espazo específico para adultos en A Coruña, con servizos como a orientación laboral. Reivindicouse a promoción de modelos de autonomía e a adaptación de postos de traballo.
“"A entidade permitiume estruturar mellor os meus pensamentos, desenvolveme como persoa e tecer unha rede de apoios."
O acto concluíu cun recoñecemento aos socios fundadores e a persoas e entidades vinculadas á historia da asociación, reafirmando o compromiso coa mellora da calidade de vida das persoas autistas e as súas familias.
