Segundo a entidade, o individuo é un home maior cun problema nun ollo que afirma representar a asociación. Aspace Coruña subliña que non ten persoal asalariado nin voluntarios recadando fondos porta por porta.

A organización, cunha traxectoria de case 50 anos apoiando a persoas con parálise cerebral e as súas familias, fai un chamamento á cidadanía para que presente denuncias ante as autoridades se se ven afectados por este engano. A colaboración coa asociación realízase unicamente mediante transferencia ou domiciliación bancaria.

A entidade rexeita rotundamente estas prácticas que se aproveitan da súa boa reputación e da solidariedade da cidadanía para fins fraudulentos, destacando que tales accións non reflicten os valores da asociación.