A Facultade de Dereito da Universidade da Coruña recorda aos estudantes xa matriculados no Grao en Dereito a opción de incorporarse ao itinerario plurilingüe. Esta modalidade permite cursar a metade dos créditos do grao en inglés, co obxectivo de outorgar á formación xurídica unha maior proxección internacional.
Ao finalizar os estudos con esta mención, os alumnos obterán un recoñecemento diferencial dentro do panorama universitario español. Toda a información sobre o programa e os requisitos de admisión está dispoñible na páxina web da facultade.
O prazo para presentar as solicitudes de admisión finalizará o vindeiro 31 de xullo ás 14:00 horas. Para formalizar a solicitude, é necesario enviar un correo electrónico á Administración da facultade (administración.dereito@udc.gal) xunto co formulario de solicitude e a certificación de inglés correspondente.
