Os edificios presentan un estado de conservación moi deficiente e están a provocar episodios de insalubridade que afectan á veciñanza máis próxima. Tras a análise dos técnicos municipais, que constataron as súas malas condicións, o Concello decidiu iniciar os sete expedientes conforme á normativa vixente, dado que trátase de propiedades privadas e as actuacións administrativas requiren trámites que poden prolongarse no tempo.
O obxectivo final é proceder ao derrubamento dos inmobles, acometer a súa expropiación e desenvolver un plan especial de reforma interior na mazá que os alberga. Esta actuación permitirá abordar a mellora urbanística desta zona de As Eiras e dar resposta aos problemas derivados do estado dos edificios.
Esta será a segunda intervención municipal neste barrio. En 2018, o Concello de Arteixo xa actuou mediante a demolición de inmobles en ruínas para abrir unha nova rúa, cun investimento de 146.000 euros. Naquel momento realizáronse traballos previos de levantamento topográfico e replanteo.
Agora, o Concello inicia unha nova actuación nunha mazá próxima, co derrubamento previsto dos sete inmobles e a posterior reforma interior, co propósito de continuar mellorando urbanisticamente As Eiras.
