O director da Axencia Galega da Calidade Alimentaria da Consellería do Medio Rural, Martín Alemparte, asistiu hoxe á sesión Cociñando Galicia, un evento que ten como obxectivo poñer en valor os produtos agroalimentarios galegos de calidade diferenciada na hostalería e na alta cociña. Esta iniciativa reuniu algúns dos chefs máis destacados do panorama gastronómico nacional.
A iniciativa, que comezou o pasado mes de abril e contou con sesións mensuais, destina a súa recadación á Asociación Compostelá de Esclerose Múltiple, Párkinson e ELA (ACEM). Deste xeito, o evento combina a promoción dos produtos galegos de calidade diferenciada co apoio á labor da Asociación na atención de pacientes e o impulso da investigación.
