Lorenzana fixo estas declaracións tras un encontro co presidente da Autoridade Portuaria de Vigo, Carlos Botana, onde tamén se avaliaron outros asuntos como a planificación en materia de electrificación, novas infraestruturas e a situación da Plataforma Loxística e Industrial de Salvaterra-As Neves (Plisan).
A conselleira sinalou que as exportacións galegas ata setembro acadaron os 23.427 millóns de euros, cunha taxa de variación interanual do 1,3 por cento. Con estas cifras, Galicia sitúase como a sexta comunidade autónoma máis exportadora, moi preto do País Vasco (23.461,2 millóns de euros).




