O Concello de Mos e técnicos de Turismo de Galicia reuníronse hoxe para abordar a mellora da seguridade na ruta xacobea ao seu paso polo municipio. A xuntanza busca dar resposta a unha vella reivindicación para evitar os riscos asociados ao tránsito por un punto que require especial atención.
A alcaldesa de Mos, Nidia Arévalo, presentará nas próximas xornadas as propostas estudadas á Mesa do Camiño e á Comisión de seguimento da Nacional 550. O obxectivo é avanzar cara a unha solución que poida aplicarse a curto prazo e atenda esta demanda histórica de seguridade.
O Goberno local comprométese a seguir traballando coas administracións e os órganos implicados para atopar alternativas viables que compatibilicen a protección dos peregrinos coa seguridade e a mobilidade da veciñanza.
“"A seguridade dos peregrinos e da veciñanza é unha prioridade, e levamos tempo traballando para atopar unha solución que permita resolver esta situación. A alternativa que estamos a estudar busca dar unha resposta viable e no menor prazo posible a unha demanda histórica, garantindo un tránsito máis seguro e compatible coa vida diaria da nosa veciñanza."
