A Porta do Sol de Vigo convértese estes días nun gran escenario ao aire libre coa celebración da Festa da Cultura. O evento, que arrincou a súa nova edición, reunirá a máis de 400 artistas locais ao longo da fin de semana.
A festa conta coa participación de 23 agrupacións folclóricas procedentes dos distintos barrios e parroquias viguesas. Veciños e visitantes poderán gozar de espectáculos de música e bailes tradicionais galegos.
Ademais das actuacións, onte realizouse unha homenaxe a Eduardo Comesaña, presidente do Centro Cultural de Cabral, como recoñecemento á súa labor.
