A iniciativa, que xa conta co visto bo do Concello, establece a regulación deste novo imposto dirixido aos visitantes da cidade. As tarifas variarán segundo a categoría do aloxamento, buscando unha aplicación equitativa.
As contías fixadas para a taxa son de 2 euros por noite para hoteis de cinco estrelas, cinco estrelas superior e catro estrelas superior. Para os hoteis de catro estrelas, tres estrelas superior, tres estrelas e dous estrelas superior, o importe será de 1,60 euros por noite. Nos hoteis de dúas estrelas, unha estrela superior e unha estrela, a taxa será de 1,20 euros.
As pensións tamén terán unha taxa de 1,20 euros, mentres que albergues, campamentos de turismo, establecementos de turismo rural e apartamentos turísticos aplicarán 80 céntimos por noite. Os pisos turísticos terán unha taxa de 1,60 euros por noite, e os cruceiristas deberán abonar 1,20 euros.
“"Establecemos unha taxa turística que pagarán os que visiten Vigo e non afectará para nada aos cidadáns nin ás empresas de Vigo."
A aplicación da taxa será progresiva. Unha vez aprobada a ordenanza reguladora, previsiblemente en outubro, comezará a cobrarse só polas dúas primeiras noites de cada estancia. A partir do 1 de xullo do próximo ano, a taxa entrará en vigor por completo, aplicándose ata as cinco primeiras noites. Este verán, polo tanto, non se cobrará o novo imposto.
Existen diversas exencións, incluíndo motivos de saúde, estancias de deportistas federados en competicións oficiais ou causas de forza maior. Tamén estarán exentos os menores de idade, as persoas con discapacidade igual ou superior ao 65%, as estancias subvencionadas por programas sociais e os albergues públicos.
