A representación da UVigo, que participou nas modalidades de pádel, baloncesto 3X3, fútbol 7 masculino e voleibol feminino, sumou 14 puntos. Estes mesmos puntos foron obtidos pola Universidade da Coruña (UDC). A Universidade de Santiago de Compostela (USC) alzouse co primeiro posto con 20 puntos, seguida pola Universidade do Porto (UPorto) con 18 puntos.
Un total de 34 deportistas, dous adestradores e un xefe de delegación compuxeron a expedición da UVigo nesta competición. Os e as deportistas vigueses destacaron especialmente nas disciplinas de pádel e fútbol, onde acadaron as puntuacións máis elevadas.
A Vicerreitora de Estudantes e Vida Universitaria, Dolores González, asistiu á cerimonia de entrega de premios en representación da institución académica viguesa.




