O suceso tivo lugar arredor das 16:15 horas no punto quilométrico 14 da vía que conecta Redondela con O Porriño. Segundo as primeiras informacións, o coche saíu da calzada e impactou contra unha farola antes de quedar envorcado sobre o asfalto.

Ata o lugar do accidente desprazáronse efectivos de Urxencias Sanitarias do 061 para atender ao ferido, así como axentes da Policía Local de Redondela, que se encargaron de regular o tráfico e asegurar a zona mentres se retiraba o vehículo sinistrado.