A factoría de Stellantis na Vigo, recoñecida pola súa alta produtividade dentro do conglomerado automobilístico, abriu un proceso de selección para incorporar 300 operarios e operarias de liña. A multinacional, propietaria de marcas como Jeep, Fiat, Maserati, Peugeot e Opel, busca perfís comprometidos coa aprendizaxe e o crecemento profesional no sector.

As tarefas principais destes novos empregados centrarase no "ensamblado de compoñentes" dos vehículos, seguindo os máis altos estándares de seguridade e calidade. Aínda que non se detallan os horarios específicos, a empresa sinala como requisito indispensable a dispoñibilidade para traballar por quendas, incluíndo fins de semana e quendas nocturnas.

A consultora de Recursos Humanos Adecco, encargada do proceso, aclara que non é obrigatorio ter experiencia previa en postos de produción. Non obstante, valorarase positivamente a experiencia no sector industrial, especialmente na automoción, así como o manexo de carretillas elevadoras. Tamén se considerará favorablemente a formación académica en ciclos formativos de grao medio ou superior relacionados coa automoción, mecánica, mecatrónica ou mantemento.

Un requisito fundamental para acceder a estes postos é a disposición para completar unha formación previa de 18 días laborables, que se levará a cabo en colaboración coa Xunta de Galicia.