O contrato, cunha duración de 24 meses e cun valor estimado que podería alcanzar os 836.356,12 euros coa posible prórroga de 12 meses, ten como obxecto a xestión da unidade de dietética destes centros hospitalarios.
A xestión inclúe a entrega diaria á cociña do número de dietas e o detalle de pratos e servizos con antelación suficiente, así como as fichas de empratado individualizadas. Tamén se realizarán controis microbiolóxicos mensuais de alimentos, utensilios, superficies e mans do persoal.
Estímase que se ofertan aproximadamente 270.000 servizos de alimentación ao ano no Hospital Clínico e uns 70.000 no Hospital Médico Cirúrxico de Conxo.
As empresas interesadas poderán presentar as súas ofertas ata o vindeiro 17 de agosto.
