A resolución da Dirección Xeral de Recursos Humanos do Servizo Galego de Saúde, publicada no DOG, detalla o nomeamento destes 19 profesionais que xa contaban cun vínculo fixo como persoal estatutario neste organismo autónomo.
Os novos médicos de hospitalización a domicilio terán como destino varios complexos hospitalarios da comunidade. En concreto, o Complexo Hospitalario Universitario de Vigo recibirá 1 profesional; o de Ferrol, 1; o de Santiago de Compostela, 2; o Hospital Público da Mariña, 3; o Hospital Universitario Lucus Augusti, 4; o Hospital Público do Salnés, 1; o Hospital Público de Barbanza, 1; o Complexo Hospitalario Universitario da Coruña, 3; e o Complexo Hospitalario Universitario de Ourense, 3.
Este procedemento de acceso á categoría de médico de hospitalización a domicilio realízase ao amparo do Decreto 34/2021, do 11 de febreiro, que creou dita categoría no ámbito do Servizo Galego de Saúde. Este decreto establece un procedemento específico de acceso por concurso, aberto ao persoal licenciado ou graduado universitario en medicina e título oficial de médico especialista con vínculo de fixeza que desempeñe ou desempeñase no Sergas as funcións propias da dita categoría.
