Tras a boa acollida do ano pasado, esta iniciativa municipal, que busca dinamizar a economía local, a cultura e a lingua arredor do Samaín, desenvolverase entre o 26 e o 31 de outubro de 2026. Os comercios adheridos transformaranse nun taboleiro de xogo baseado nas lendas galegas e o imaxinario do Samaín, onde o público familiar poderá resolver retos e misterios nos escaparates.
Como incentivo para fomentar as compras na vila, a xincana contará cun fondo de 500 € en premios, distribuídos en 5 vales de 100 €, que se sortearán o 31 de outubro. Estes premios poderán ser consumidos exclusivamente nos negocios locais participantes.
Os comercios interesados en formar parte desta campaña teñen de prazo ata o martes 22 de setembro para tramitar a súa inscrición. As vías oficiais para facelo son a través do formulario web habilitado en [https://pidopapas.com/samain/](https://pidopapas.com/samain/) ou contactando coas asociacións de comerciantes locais colaboradoras, ACICA ou Cangas Vella.
Pódense atopar máis información sobre a iniciativa na páxina web [https://pidopapas.com/xincana/](https://pidopapas.com/xincana/).
