O incidente tivo lugar arredor das 19:55 horas do pasado domingo. Tras recibir o aviso da incidencia, o servizo marítimo do instituto armado mobilizou a patrulleira Río Ladra ata o punto onde se atopaba a embarcación.
Unha vez localizados, os axentes procederon a asegurar o veleiro para realizar as tarefas de remolque. A embarcación foi trasladada finalmente ata o porto deportivo de Teis, en Vigo, sen que se rexistrasen danos persoais.
