Tras a primeira votación celebrada o pasado 6 de maio, na que ningún dos aspirantes logrou o 50% dos apoios necesarios para a elección directa, a comunidade educativa volve ás urnas. O proceso electoral conta con 21.179 persoas convocadas entre o persoal docente, investigador, alumnado e persoal de administración e servizos.
As votacións terán lugar entre as 10.00 e as 18.00 horas. Para este fin, habilitáronse 47 urnas repartidas en 27 mesas situadas nos campus de Vigo, Ourense e Pontevedra. O sistema de votación aplica unha ponderación específica segundo o sector ao que pertenza cada elector.
“"Xa era tempo de que a Universidade de Vigo se sumase á normalidade e se as mulleres son a metade da poboación, deberían ser a metade das reitoras."
Independentemente do resultado final, a institución académica marcará un fito histórico ao incorporar a unha muller á súa máxima representación. Os resultados definitivos poderán seguirse a través da canle oficial da Universidade de Vigo unha vez finalice o reconto.
