A Casa Real comunicou a presenza da herdeira ao trono na cidade olívica, onde se estreará nun acto oficial. A súa axenda inclúe a participación nos actos centrais, que reunirán a militares dos tres Exércitos e da Garda Civil. Esta será a primeira vez que a Princesa de Asturias visite Vigo nunha visita oficial, despois da súa formación na Escola Naval de Marín.

No desfile previsto para o sábado participarán un total de 3.746 efectivos da Garda Real, Exército de Terra, Armada, Exército do Aire e do Espazo, Garda Civil e Unidade Militar de Emerxencias. O percorrido terá lugar ao longo da avenida de Samil, comezando na avenida da Constitución coa rúa Arganzada e finalizando na mesma avenida coa rúa do Río.

O Rei Felipe VI chegará a Vigo o venres, día no que xa presidirá dende o mar unha revista naval na que participarán buques da Armada e da Garda Civil navegando pola Ría.