A nova formación musical, composta por preto de trinta membros maioritariamente alumnos da universidade, aínda que aberta a toda a comunidade universitaria, realizou a súa estrea oficial ante un público que encheu por completo as instalacións do conservatorio.
A iniciativa, impulsada pola vicerreitora de Extensión Universitaria en funcións, Susana Reboreda, e dirixida pola violinista Raquel Carrera, presentou un programa centrado en pezas de compositores clásicos como Haydn e Mozart. O repertorio tamén incluíu toques contemporáneos con obras de Bartók e Rossini.
