A marcha, que partiu pola mañá desde a zona dos estaleiros en Beiramar, contou cun amplo dispositivo policial e a participación de miles de traballadores. A protesta provocou o peche temporal de diversas empresas e a anulación ou desvío de liñas de autobús na cidade.
“"Non nos valen medias tintas, queremos propostas serias para condicións laborais dignas."
As centrais sindicais UGT, CCOO e CIG cualificaron a mobilización como un éxito e un aviso claro á patronal ante a reunión prevista para este venres. Os representantes dos traballadores insisten en que acoden ao encontro con vontade negociadora, pero esixen respecto cara á clase traballadora.
O conflito laboral mantense vivo, con novas xornadas de paro convocadas para a próxima semana, coincidindo coa feira Navalia. Entre as demandas innegociables atópanse o incremento salarial, a redución da xornada laboral e medidas específicas contra o estrés térmico.
