O vindeiro 18 de setembro, ás 19:30h, no Centro Neural de Gondomar, celebrarase a última sesión do ciclo "Sementando o Bo Trato". A xornada centrarase na temática "Adolescentes e frustración", un aspecto clave no crecemento emocional desta etapa vital.
A frustración é unha emoción común na adolescencia, que xorde ante situacións como un "non", unha discusión, o rexeitamento, non conseguir obxectivos ou afrontar consecuencias. O encontro busca ofrecer ferramentas para acompañar aos adolescentes nestes momentos, sen recorrer a ameazas, castigos ou sobreprotección.
Dirixido a familias, nais e pais, o obxectivo é crear un espazo para aprender a establecer límites que non rompan o vínculo afectivo e axudar aos mozos a xestionar as súas emocións.
Un taller práctico para deixar de loitar contra a frustración e comezar a convertela nunha oportunidade de aprendizaxe.
A sesión será impartida por Rocío Álvarez, directora de EdE Escuela de Emociones. As inscricións poden realizarse chamando ao teléfono 986 369 746.
