A proba contou cunha notable participación de tódalas idades e en tódalas categorías, dende os máis pequenos nas probas de chupetes e biberóns, ata atletas de alto nivel nos percorridos de 5K e 10K. A andaina tamén atraeu a numerosos veciños e visitantes, así como a equipos de diversas empresas.
Nas categorías absolutas da 10K, José Cunha acadou o primeiro posto cun tempo de 00:34:12, seguido por Daniel Bargiela Araújo (BIKILA) con 00:34:46 e Alberto Rodríguez Gallego con 00:36:06.
Na 5K Absoluta, Anxo Otero Amoedo (SD Compostela) foi o gañador con 00:15:44, mentres que Alejandro Álvarez Vázquez (Triatlón Vilagarcía) quedou segundo con 00:15:56, e Felipe Ramos Correia terceiro con 00:16:35.
Todos os resultados e as clasificacións completas de tódalas categorías están dispoñibles na páxina oficial do evento.
