O prazo para que os Centros Especiais de Emprego da provincia soliciten estas axudas remata o vindeiro 7 de setembro. O programa busca subvencionar os custos salariais das súas unidades de apoio á actividade profesional, así como os postos de dirección ou coordinación.
A contía das axudas concedidas incrementaranse progresivamente en función do número de persoas con discapacidade contratadas durante o ano pasado. As subvencións oscilarán entre os 5.000 euros, para aqueles centros con 15 ou menos traballadores con discapacidade, e un máximo de 18.000 euros para os que conten con máis de 40.
“"O pasado ano beneficiáronse destas achegas oito entidades pertencentes aos concellos da Guarda, Nigrán, Pontevedra, O Porriño, Vigo e Vilagarcía de Arousa."
No exercicio anterior, un total de oito entidades recibiron 67.000 euros destas achegas. Estas entidades pertencen a concellos como A Guarda (San Jerónimo Emiliani), Nigrán (Juan María Empleo), Pontevedra (Asociación de Discapacitados Intelectuais Virgen de la O e Juan XXIII), O Porriño (Lume Emprego), Vigo (Grupo Sifu Galicia) e Vilagarcía de Arousa (BATA Servizos Integrais á Comunidade e Servilar 2018).
