O rexedor defendeu que a Área Metropolitana quedou legalmente constituída no ano 2016 e lembrou que unha sentenza do Xulgado Contencioso-Administrativo número 1 de Vigo avalou tanto a constitución do organismo como o seu nomeamento como presidente.
“"O propio xulgado di que era imposible cumprir esa condición porque o plan nunca existiu."
Segundo explicou, o fallo xudicial tamén recollía que a lei impulsada pola Xunta impoñía unha condición "de imposible cumprimento" ao esixir que Vigo se integrase nun Plan de Transporte Metropolitano de Galicia que nunca chegou a aprobarse no Parlamento galego.
O rexedor rexeitou as declaracións realizadas desde a Xunta sobre que o futuro da Área Metropolitana depende da vontade dos concellos e defendeu que o verdadeiro bloqueo se produciu desde a administración autonómica. Concluíu preguntándose "que medo lle ten Vigo" á Xunta e reiterou que a paralización do organismo responde exclusivamente a unha estratexia política impulsada desde o Goberno galego.
