O alcalde de Vigo, volveu a manifestar a súa preocupación pola falta de apoio institucional para o desenvolvemento de novas rutas. Segundo a súa visión, é fundamental un maior compromiso económico por parte das administracións para asegurar a viabilidade das conexións aéreas.
“"O mercado aéreo non se sostén unicamente con promoción institucional, senón que require acordos de carácter comercial coas aeroliñas para garantir a viabilidade das rutas."
O rexedor vigués defende que a clave para consolidar rutas pasa por incentivos económicos directos ás compañías, un modelo que, segundo el, xa se aplica con éxito noutros aeroportos. Ademais, sinala a necesidade de recuperar conexións históricas con destinos como Londres, Barcelona, Valencia, Málaga, Sevilla ou Alacante.
Pola súa banda, a Deputación de Pontevedra e a Xunta de Galicia defenden un modelo centrado na promoción turística en orixe e na captación de rutas mediante campañas institucionais, rexeitando o pago directo ás aeroliñas. A vicepresidenta da Deputación, expresou o seu respaldo a este enfoque, aliñado coa estratexia de AENA.
O conselleiro de Presidencia defendeu este modelo, argumentando que o obxectivo é consolidar rutas “sostibles e estables no tempo”. A Deputación tamén pediu cautela na interpretación dos datos de tráfico aéreo, sinalando que o incremento do 1,5% en marzo podería estar condicionado por factores estacionais como a Semana Santa.
Os datos de AENA reflicten unha tendencia negativa nos primeiros meses do ano. En xaneiro, o aeroporto rexistrou un descenso do 8,1% de pasaxeiros, e en febreiro, unha caída do 4,4%. No acumulado dos dous primeiros meses, Peinador sumou 146.851 pasaxeiros, un 6,3% menos que no mesmo período do ano anterior.
