A chegada deste profesional, cunha traxectoria de máis de catro décadas, céntrase en potenciar a Unidade de Coidados e Observación (UCO). Esta unidade é fundamental para o seguimento dos pacientes despois de pasar por Urxencias, permitindo determinar se precisan ingreso, alta ou un control continuado.

O especialista, que se formou na Clínica Puerta de Hierro e é doutor pola Universidade de Barcelona, ocupou previamente postos de responsabilidade en hospitais como o Meixoeiro e o Cunqueiro. A súa experiencia é clave para optimizar o funcionamento da UCO e ampliar a dispoñibilidade de consultas de Medicina Interna na área de Vigo.