A catedrática de Teoría da Señal e Comunicacións, Carmen García Mateo (Vigo, 1963), asume a dirección da Universidade de Vigo, sendo a primeira muller en ostentar este cargo na historia da institución. A comunidade universitaria apoiou a proposta Nós-Universidade, encabezada pola docente e investigadora viguesa, nas eleccións celebradas recentemente.

A candidatura de García Mateo, presentada baixo o lema “Todas as persoas, un proxecto”, articúlase en tres eixos fundamentais: o compromiso co capital humano da comunidade universitaria (alumnado, PTXAS e PDI), a aposta por un proxecto común e sólido fronte a intereses fragmentados, e unha xestión eficaz baseada na planificación e o cumprimento do prometido.

A elección de García Mateo supón un cambio significativo no panorama universitario galego, xa que se suma á recente elección de Crujeiras como reitora na Universidade de Santiago de Compostela. Deste xeito, dúas das principais universidades de Galicia estarán dirixidas por mulleres.