A proba, organizada pola Concellería de Deportes, consolídase como unha cita ineludible no calendario deportivo local. O parque de “A Palma” será o epicentro de saída para as distintas categorías, cun percorrido longo de 10 quilómetros que atravesará monumentos emblemáticos como o crucero da Santísima Trinidad, Santa Liberata, a subida de San Antón e o miradoiro de Baredo, regresando ao parque baionés polo Rompeolas.
A Policía Local de Baiona deseñou un plan especial de tráfico para garantir o bo desenvolvemento do evento. A partir das 11:00h, realizaranse cortes puntuais na PO-552 durante a saída da carreira e o seu paso polo Casco Histórico, Santa Liberata, Covaterreña, San Antón e Baredo. Unha vez finalizado o percorrido por Baredo, os corredores incorporaranse ao carril bici da PO-552 na rotonda do Rocamar.
Ante estas restricións, recoméndase o uso da circunvalación para acceder ao casco urbano, conectando Sabarís con Baredo ou utilizando a rotonda do Villa Rosa.
“"Pedimos prudencia á hora de circular pola zona e desculpas polas molestias que este evento poida ocasionar, pois atraerá ata o municipio a un gran número de participantes e persoas."
A entrega de dorsais terá lugar hoxe pola tarde e mañá sábado durante todo o día no Pabellón Municipal de Deportes.
