A localidade ourensá de Verín vólvese vestir de festa este sábado para honrar a San Cristovo, patrón dos transportistas. O barrio de San Antón, e en concreto o contorno da lonxa agropecuaria, será o epicentro das celebracións que comezarán ás 16:00 horas cun vistoso desfile de camións engalanados polas rúas principais da vila.
Posteriormente, a actividade regresará a San Antón para a tradicional misa e procesión en honra ao patrón. Este acto incluirá unha homenaxe aos compañeiros de profesión e estará amenizado pola Banda de Gaitas de O Riós. A continuación, ás 19:00 horas, haberá música, sorteo de agasallos, entrega de premios e actividades infantís como colchonetas e inchables.
A música continuará a partir das 20:30 horas da man de A Gramola, servindo de antesala para as ceas de confraternidade que se celebrarán nos restaurantes Brasil e San Roque, para as que é necesario inscribirse previamente.
A entrega de premios aos tres camións coa mellor decoración é un dos momentos máis esperados.
O broche de ouro á xornada chegará pasada a medianoite cunha gran verbena popular, tamén amenizada por A Gramola. Durante a velada, entregarase os galardóns aos tres camións que presenten mellor decoración durante o desfile, un dos momentos máis esperados da edición.
