A titular de Medio Rural sinalou que a vendima deste ano na DO Monterrei preséntase "abundante e de grande calidade". Estas previsións foron comunicadas durante unha visita á adega Gargalo, onde estivo acompañada polo seu propietario, o empresario Roberto Verino.
Gómez cualificou estas perspectivas como unha "boa noticia" para o sector do viño, un dos "máis dinámicos e valorados" do rural galego. Subliñou que os dez distintivos vitícolas galegos, que inclúen cinco denominacións de orixe e cinco indicacións xeográficas protexidas, representan "máis da metade" do valor económico xerado pola calidade diferenciada da comunidade, que ascende a algo máis de 379 millóns de euros.
