Os feitos producíronse sobre as 13:00 horas cando un particular alertou ao servizo de emerxencias 112 Galicia. No turismo implicado viaxaban tres ocupantes.

A central de emerxencias mobilizou aos bombeiros dos parques de Verín, Carballiño e Xinzo, así como aos profesionais de Urxencias Sanitarias de Galicia-061. Estes últimos foron os encargados de trasladar aos tres feridos.

Dous dos ocupantes do vehículo tiveron que ser excarcerados polos bombeiros ao quedar atrapados no interior do turismo.

No operativo tamén participaron membros do GES de Laza e axentes da Garda Civil. A Policía Local fíxose cargo dos animais que viaxaban no coche: dous cans, dous gatos e un paxaro.