Un particular alertou sobre as 11:56 horas deste venres, 29 de maio, dun home atrapado nun turismo envorcado. O suceso produciuse cando o vehículo caeu dende a estrada autonómica OU-121 cara a unha pista, na zona de O Salgueiral.
No momento da publicación desta noticia, os equipos de emerxencia atópanse no lugar intentando liberar á persoa atrapada. Desprazáronse ata alí efectivos dos bombeiros, do GES de O Barco de Valdeorras, Protección Civil, a Policía Local e a Garda Civil de Tráfico.
