O Campo da Festa no Paseo do Malecón convértese no epicentro desta cita que busca exaltar e valorar os viños amparados pola D.O. Valdeorras. A feira esténdese durante tres xornadas, ofrecendo aos asistentes non só a oportunidade de degustar excelentes godellos e outras variedades, senón tamén de gozar de propostas gastronómicas e actuacións musicais.

A xornada inaugural, este venres 29 de maio, comeza ás 19:30 horas coa apertura do recinto feiral e a súa inauguración oficial. O actor Christian Escuredo, natural de O Barco, será o pregoeiro. A noite culminará cun concerto do grupo América S.L. ás 23:00 horas.

O sábado 30 de maio, o recinto abrirá ás 12:30 horas. A tarde estará marcada por unha cata maridaxe ás 20:00 horas, onde se poderán degustar viños da D.O. Valdeorras combinados con produtos de Artesanía Alimentaria, marca de calidade da Xunta de Galicia. Esta actividade terá un prezo de 15 € e prazas limitadas. A noite finalizará co concerto da orquestra Olympus ás 23:00 horas.

A última xornada, o domingo 31 de maio, tamén comezará ás 12:30 horas. O evento pecharase cun showcooking a cargo do cociñeiro José Manuel Mallón ás 21:30 horas, quen presentará os seus pratos maridados cunha selección de viños da D.O. Valdeorras. Esta proposta custará 20 € e tamén conta con prazas limitadas.