O contrato, cun orzamento de 18.055 euros, ten como finalidade a redacción dos proxectos de expropiación e o apoio na súa execución material. Esta medida busca garantir a protección e a posta en valor de espazos patrimoniais clave, facilitando a súa futura integración en roteiros turísticos e culturais.
A actuación abrangue terreos localizados en Carballo, Laxe, Malpica, Mazaricos, Zas, Dumbría e Vimianzo. Entre os enclaves incluídos atópanse monumentos destacados como a Pedra da Arca, a Anta da Mina da Parxubeira ou a Casa dos Mouros.
“"Con esta licitación damos un novo paso para facer realidade o Parque Arqueolóxico do Megalitismo da Costa da Morte, un proxecto estratéxico para a protección, posta en valor e divulgación do patrimonio megalítico da provincia."
O traballo técnico incluirá a medición dos bens, a elaboración de planos topográficos e a realización de consultas catastrais. O obxectivo final é asegurar a titularidade pública dos espazos adxacentes aos monumentos, permitindo así a súa correcta sinalización e conservación a longo prazo.
