O suceso tivo lugar no punto quilométrico 68, nas proximidades do cruce de Cambeda. Segundo as primeiras informacións, o accidente produciuse cando un dos turismos realizaba unha manobra de xiro á esquerda, o que provocou que os tres coches que circulaban detrás impactasen en cadea contra o primeiro vehículo.
Ata o lugar do sinistro desprazáronse efectivos de Urxencias Sanitarias de Galicia-061, os bombeiros de Cee, a Garda Civil de Tráfico, a Policía Local de Vimianzo e operarios de mantemento de estradas. Tras a atención inicial, tres dos afectados foron trasladados ao hospital de Cee para recibir asistencia médica.
