O lume orixinouse sobre as 16.30 horas nunha nave onde se almacenaba unha gran cantidade de herba seca. Un particular alertou ao 112 Galicia, indicando que ardía palla no interior da explotación, situada na estrada LU-P-5808.
Segundo a comunicación inicial, non houbo persoas feridas, aínda que na granxa había aproximadamente 500 cabezas de gando. Tras recibir o aviso, os operadores do 112 informaron aos Bombeiros de Chantada e de Monforte de Lemos, así como á Garda Civil, a efectivos de Protección Civil e ao persoal do distrito forestal da zona.
A última hora da tarde, os equipos de extinción continuaban traballando no lugar. Lograron perimetrar o incendio, pero a importante cantidade de herba almacenada na nave dificultaba as tarefas. Ademais, o 112 confirmou que o teito da nave colapsou debido á intensidade do lume.
