A devoción pola Virxe da Armada, coñecida como a "abogosa" da cabeza, mantivo viva a tradición na parroquia de Rabal, en Celanova. O santuario recibiu multitude de visitantes da comarca e doutras próximas, que acudiron para honrar á virxe nunha celebración que se remonta a catro séculos.
Os actos relixiosos comezaron cedo, ás 8:00 horas, no santuario, seguidos dunha procesión e a misa solemne na carballeira. A xornada continuou coa sesión vermú amenizada pola Banda Municipal de Celanova e, pola tarde e noite, a verbena a cargo da orquestra Los Player’s, combinando fervor relixioso e ambiente festivo.
O día grande da romaría puxo fin a un programa que iniciou o pasado venres, día 4, co segundo Concurso de Tortilla, que incluíu pinchos gratuítos no bar da comisión, e continuou o día seguinte cunha cea popular con música.
