A semana pasada, os populares iniciaron contactos con ambas as forzas políticas co obxectivo de propiciar un cambio no goberno municipal. Con todo, a formación municipalista Vilalba Aberta descartou desde o inicio a opción de citarse co PP, mentres que o BNG, que inicialmente fixara unha reunión para o mércores, anulouna o martes pola mañá.
“"Quedou suspendida por parte do BNG polo que está acontecendo en Lugo. Non imos negociar nada cun partido que se está aproveitando do transfugismo e utilizando malas mañas para conseguir unha alcaldía."
Desde o Partido Popular, este cambio de postura atribúese a
intereses partidistas
. Un edil popular sinalou que o representante do BNG non puxera impedimento á reunión nun principio, pero que a anulou
dun día para outro
tras as noticias sobre unha posible moción de censura noutra localidade.
O portavoz de Vilalba Aberta explicou que, durante o mes de espera ata a data límite para presentar a moción de censura, que remata o 9 de maio, non se reunirán con ningún grupo político. Ademais, a participación desta formación nunha manobra para un cambio de goberno estaría restrinxida, xa que, ao formar parte do goberno e votar a favor do orzamento, non podería cambiar o seu voto nin apoiar unha moción de censura segundo a Lei Orgánica 5/1985.
“"Nesta espera ata a data límite para a moción de censura non nos imos reunir con ningún grupo político."
Con esta situación, todo indica que o 9 de maio se aprobarán inicialmente de forma automática os orzamentos para este ano, que ascenden a 14,2 millóns de euros. O Partido Popular lamentou a negativa de ambas as forzas, reiterando a súa
vontade de diálogo e colaboración
para
desbloquear
a situación do goberno municipal.
