A proba, organizada polo Moto Club Coruña-Escudería Centollo coa colaboración do Concello de Guitiriz e do Iberik Gran Balneario de Guitiriz, permitiu aos participantes elixir entre realizar o percorrido de mañá, o de tarde ou a xornada completa.
A saída da modalidade matutina tivo lugar en O Burgo, Culleredo, ás 9:00 horas. Pola tarde, os vehículos clásicos, fabricados antes do 31 de decembro de 1995, partiron ás 16:00 horas desde a praza do Campo da Feira de Guitiriz, un dos puntos centrais da carreira.
A chegada de todos os participantes foi no Iberik Gran Balneario de Guitiriz, arredor das 21:30 horas. Alí celebrouse a entrega de premios e unha cea de confraternización.
