A sesión contou coa participación de Ermitas Dávila Casal, diplomada en Enfermaría e profesional da Unidade de Mama da área sanitaria de Vigo, quen tamén traballou no Hospital de Día Oncolóxico do Hospital Meixoeiro e desenvolveu labores docentes.
Durante o encontro abordáronse cuestións relacionadas coa prevención, a importancia da detección precoz e os avances no diagnóstico e tratamento da enfermidade, así como a necesidade de ofrecer información fiable e acompañamento ás persoas afectadas e ás súas familias.
A actividade tamén serviu para lembrar que a atención ao cancro de mama vai máis alá do diagnóstico e do tratamento, destacando a prevención, a investigación e o apoio emocional como aspectos cruciais ao longo do proceso para as pacientes e as súas familias.
O Concello de Mos agradeceu á Asociación Contra o Cancro en Mos a organización desta iniciativa e o seu labor de sensibilización e apoio, así como a participación de Ermitas Dávila Casal.
Con este tipo de actividades, búscase achegar información sanitaria á veciñanza, resolver dúbidas e fomentar unha maior concienciación sobre a importancia da prevención e da detección precoz do cancro de mama.
