O Servizo Concilia de traslado de crianzas ás actividades extraescolares terá un prazo de solicitude extraordinario a partir da vindeira semana. Poderán presentar a súa solicitude as familias cuxas crianzas fosen admitidas en actividades deportivas fóra do prazo ordinario ou que sufrisen modificacións.
O prazo estará aberto desde o martes, 20 de outubro, ás 8:30 horas, ata o venres, 23 de outubro, ás 14:30 horas. As solicitudes poderán presentarse de xeito presencial no Concello ou a través da Sede Electrónica.
O servizo é totalmente gratuíto. No caso das novas crianzas admitidas, o servizo de traslado comezará o 26 de outubro e prolongarase ata o 31 de maio.
