O aviso recibiuse na central de emerxencias do 112 Galicia arredor das 16.30 horas. Segundo a información facilitada, as chamas comezaron na campá extractora da cociña e comezaron a propagarse polo resto da estancia.
Ata o lugar desprazáronse os efectivos do parque comarcal de bombeiros de Vilalba. Con todo, cando os profesionais chegaron á vivenda, os veciños xa lograran sufocar o lume empregando un extintor, polo que o labor dos bombeiros limitouse a ventilar o inmoble e verificar que a situación estaba controlada.
A menor afectada, que presentaba queimaduras leves, non precisou traslado hospitalario por parte dos servizos do 061, senón que acudiu ao PAC polos seus propios medios para recibir atención médica. Tamén se personaron no lugar axentes da Garda Civil.
