O sinistro produciuse no quilómetro 2 da devandita vía, á altura de Neira de Cabaleiros, cando o vehículo envorcou por causas que aínda se están a investigar. O condutor, que era o único ocupante do turismo, quedou atrapado no interior, o que requiriu a intervención de equipos de excarceración.

O servizo de emerxencias 112 Galicia recibiu o aviso do accidente sobre as 17:20 horas. Ata o lugar desprazáronse efectivos de Urxencias Sanitarias 061, Bombeiros de Sarria e a Garda Civil de Tráfico.

A pesar da rápida intervención dos servizos de emerxencia desprazados ao lugar, non foi posible salvar a vida do home.