Máis de 85 persoas pertencentes a asociacións culturais de Sarria colaborarán para interpretar con música e teatro algunhas das fases ou historias máis importantes da vila no evento que se celebrará no Chanto a partir das 23.00 horas.
No espectáculo actuarán Silvia Mondelo e César No como narradores, acompañados polas asociacións Meigas e Trasgos, Peleriños, Rebuldeira Teatro, Sarricanta, Ars Principia e a Banda de Música de Sarria.
“"Darlle valor a todas as historias e lendas a partir da música e da representación teatral."
A conductora do espectáculo, Silvia Mondelo, resalta que a idea é "darlle valor a todas as historias e lendas a partir da música e da representación teatral". Todo ocorrerá na ribeira do río Sarria, cunha "adaptación nocturna" na que os xogos de luces farán que sexa "un espectáculo moito máis chamativo para o espectador".
Mondelo cualificou a participación como "unha locura" e sinalou a dificultade de resumir tantas historias nunha hora.
“"O peche que merece un festival no que se reúne a gran parte do tecido asociativo de Sarria."
O concelleiro de Cultura do Concello de Sarria, César No, sinala este evento como "o peche que merece un festival no que se reúne a gran parte do tecido asociativo de Sarria". O obxectivo era "aglutinar a todos para contar a nosa historia porque non hai ninguén mellor que os sarrriaos para facelo".
César No engade que producir esta novidade supón "un gran reto de traballo que require tempo e coordinación de todas as partes implicadas", confirmando a aposta do festival pola cultura en Sarria.
Ademais, este martes realizarase a 'Camiñografía', aprazada por mal tempo, que percorrerá o casco histórico ás 20.30 horas con Silvia Mondelo, Meigas e Trasgos, Peleriños e a Coral Polifónica de Sarria.
“"Amosaremos características concretas da vila mentres facemos concursos e contamos anécdotas ao son da música das asociacións da vila."
