A antiga prisión de Sarria convértese no escenario da exposición 'O eco das meigas', unha iniciativa conxunta do Concello de Sarria e a asociación cultural Meigas e Trasgos. A mostra presenta unha coidada selección de pinturas, esculturas e poemas que resultaron gañadores nas bienais celebradas con motivo da festa da Noite Meiga.
A exposición poderá visitarse de luns a sábado, en horario de 9.00 a 14.00 e de 16.00 a 20.00 horas, ata o vindeiro 31 de agosto. A concelleira de Cultura do Concello de Sarria, Reyes Abella, destacou que a idea de organizar esta mostra xurdiu hai varios anos, coñecendo o importante "gran inventario" de obras. A declaración da festa como de Interese Turístico foi o detonante para facela realidade neste momento.
O espazo expositivo, custodiado por un traxe de meiga e unha antorcha utilizada nalgunha edición da festa, alberga pezas de artistas como Violeta Bernardo, Miguel Anxo Macía, Avari, Fiz Vergara Vilariño e Darío Xohán Cabana. Ademais das obras artísticas, os visitantes poderán coñecer varios vídeos sobre a celebración e outros obxectos vinculados a este festejo, que se celebra o último sábado de agosto.
Entre as pezas máis destacadas atópanse o cartel orixinal da Noite Meiga, deseñado por López Guitián en 1982, que sae por primeira vez da sede de Meigas e Trasgos para ser exposto ao público, segundo indicou Reyes Abella. Tamén se exhibe un retrato de Carmela González Ruíz, fundadora da asociación sarriana, realizado por Enrique Navarro en 1951. González Ruíz foi a impulsora da festa, creadora da súa danza e himno, e artífice da construción do local da asociación.
“"É unha conmemoración a todo o que significou durante anos a festa en toda Sarria. É o "ano 0" como Festa de Interese Turístico e é unha edición con moito movemento e aínda faltan varias sorpresas."
Iván Pereiro, vicepresidente de Meigas e Trasgos, sinalou que a exposición "é unha conmemoración a todo o que significou durante anos a festa en toda Sarria". Considera que este é o "ano 0" da festa como Interese Turístico e anticipou unha edición "con moito movemento e aínda faltan varias sorpresas".
