O club de taekwondo de Sarria sumou unha destacada actuación no campionato celebrado en Portugal, conseguindo un total de 20 medallas. Destacaron os ouros de Carla Rodríguez (sub-9 feminino), Martín Varela (sub-9 masculino), Aylen Pumarega (sub-11 feminino), Ginés Díaz (sub-11 masculino), Mateo Fernández (júnior masculino), Álex Losada (sénior 1 masculino), Iria Gasamáns (sub-40 feminino) e Miguel López (máis de 51 masculino). Tamén se alzaron co primeiro posto as parellas formadas por Martín Varela e Carla Rodríguez, Aylen Pumarega e Ginés Díaz, e Hugo Sánchez e Abi Martínez.
As medallas de prata foron para Mauro Garcia (sub-9 masculino), Brais Lombardero (cadete adulto), Ruby Solana (sub-30 Kup feminino) e o trío composto por Claudia Fernández, Uriel Gutiérrez e Cleopatra Celeiro.
O palmarés completouse con medallas de bronce para Sergio Castro (sub-9 masculino), Cloe Núñez (sub-9 feminino), Claudia Fernández (sub-14 feminino), Uriel Gutiérrez (sub-17 feminino), Hugo Sánchez (cadete adulto), Rubén Varela (sub-50 masculino) e as parellas formadas por Uriel Gutiérrez e Samuel Maron, e Rubén Varela e Verónica Quiroga.
Na clasificación xeral, o club obtivo a primeira posición en Kups femininos e Dan masculinos e femininos, ademais dun segundo posto en Kups masculinos.
A entidade tamén quixo felicitar aos compañeiros da escola de taekwondo Do-Ho polos seus éxitos, así como a todos os deportistas do AC Taekwondo Sarria que, a pesar de non conseguir medallas, realizaron un "gran traballo excepcional".
“"Todo un éxito, na que para moitos era a primeira saída internacional do club. Este trofeo foi, ademais, diferente porque competiron na praia, demostrando que, pese ao cambio de escenario, o sol e a calor, están a un grandísimo nivel e fixeron unha tempada dez."
