O Servizo de Bono Social Eléctrico reanudarase o mércores 2 de setembro, de 10.00 a 12.00 horas, no Salón de Plenos.
A rexedora municipal, Lucía Calvo de la Uz, reuniuse en San Caetano co conselleiro de Educación, Román Rodríguez, para abordar as necesidades dos centros educativos de Teo. A ampliación do comedor do CEIP Os Tilos e das instalacións do IES Cacheiras son as peticións urxentes para dar cobertura á rapazada, e a Consellería comprometeuse a estudalas de cara ao próximo 2027.
Na xuntanza, na que tamén participou a concelleira de Educación de Teo, María Vázquez, detalláronse as necesidades. No CEIP Os Tilos existen 95 prazas de comedor, que se dan en dúas quendas, e é un servizo moi demandado. No tocante ao IES Cacheiras, un centro de referencia na comarca, solicitouse a ampliación das súas instalacións.
Tamén se abordaron outras necesidades en centros como o CEIP Plurilingüe A Ramallosa, onde se recordou a importancia de proxectar canto antes unha rampla para facilitar a accesibilidade.
Respecto ao CEIP A Igrexa-Calo, a alcaldesa agradeceu as obras xa realizadas, como a recente colocación dun ascensor que mellorará a accesibilidade e garantirá unha educación inclusiva.
