O acto institucional tivo lugar este venres 13 no Campus de Lugo, coa Facultade de Ciencias como anfitrioa rotatoria. A reitora da USC, Rosa M. Crujeiras, definiu a San Alberte Magno como un símbolo de coñecemento onde a observación, a investigación e o diálogo interdisciplinar son centrais.
Crujeiras destacou que as facultades de Ciencias poden achegar desenvolvemento de métodos e análise de posibilidades e limitacións da Intelixencia Artificial. Tamén subliñou a necesidade de formar persoas "capaces de comprender como funcionan, de identificar os seus riscos e de utilizalas con criterio", promovendo unha "intelixencia artificial responsable" que preserve a supervisión humana, a integridade académica, a transparencia, a protección de datos e a igualdade.
Na mesa presidencial tamén estiveron Josefa Salgado Carballo (decana de Física), Alberto Cabada Fernández (decana de Matemáticas), Jesús Sanmartín Matalobos (decano de Química), Jesús Ángel López Romalde (decano de Bioloxía) e Asteria María Luzardo Álvarez (decana de Ciencias), quen representou aos decanos.
O relatorio central, baixo o título ‘Quimiometría e Alimentos’, foi impartido polo profesor Carlos Herrero Latorre.
O evento tamén acolleu a entrega de premios do certame 'A Ciencia en Imaxe'. O primeiro premio, dotado con 200 euros, foi para M. Noelia Pérez Pereira (Facultade de Bioloxía e CIBUS) polo traballo ‘Alboroto’. O segundo premio, de 100 euros, recaeu en Sofía López Fernández (Matemáticas e Física) pola obra ‘Topoloxía do recendo’.
